Қазақстан халқы Ассамблеясының XXXIV сессиясында Президент Қасым-Жомарт Тоқаев бүкіл қоғамға Ұлы Жеңістің маңыздылығын, сарбаздар мен тыл еңбеккерлерінің батырлығы туралы, сондай-ақ елдегі бейбітшілік, келісім мен тұрақтылықтың негізі ретінде тарихи жадтың рөлі туралы еске салды. Бұл сөздер қазақстандықтардың жүрегінде, әсіресе өңірлерде тарихи мұраны сақтауға қатысатын қоғам мен еріктілердің күнделікті жұмысының бір бөлігі болып табылады.
ҰОС жеңісінің 80 жылдығын мерекелеу қарсаңында Қазақстан халқы Ақмола ассамблеясы жанындағы «Жомарт жан» орталығы ҰОС ардагерлеріне теңестірілген азаматтарға, еңбек ардагерлері мен тыл еңбеккерлеріне тұрмыстық көмек көрсетуді, азық-түлік себеттерін таратуды және басқа да іс-шараларды қамтитын «Ардағым ардагерім» қайырымдылық акциясын өткізді.
Бүгін, 25 сәуірде «Ақмола облысының орыс қауымдастығы» қоғамдық бірлестігі тыл еңбеккері Рябченюк Борис Федоровичке, «Бари» армян мәдени орталығы» қоғамдық бірлестігі – Каримова Айнақасқа, «Чуваш этномәдени орталығы» қоғамдық бірлестігі – Костенко Рита Сергеевнаға барып шықты.
Рита Сергеевна «Ақмола облысының орыс қауымдастығы» қоғамдық бірлестігі жанындағы Русская песня» халық ансамблінің мүшесі.
«Чуваш этномәдени орталығы» қоғамдық бірлестігінің төрағасы Артем Мащинский атап өткендей, «мұндай акцияларды өткізу Ұлы Отан соғысы туралы естеліктерді жадымызда сақтауға және жастарға батырлық дәстүрлерін берудің маңыздылығын көрсетеді. Жеңістің 80 жылдығы өткенге құрмет қана емес, сонымен бірге бейбітшілік пен бірліктің құндылығын еске салады. Қазақстан ұлы тарихтың бір бөлігі ретінде батырларды еске алуды және жаңа ұрпақты патриотизм мен тарихқа құрмет рухында тәрбиелеуді жалғастыруда».
