Көкшетау қаласында «Әна аға – Шәмші аға»облыстық вокалистер байқауы өтті.
Байқаудың қорытынды бөліміне Ақмола облысынан 22 вокалист қатысып, қазақ композиторы Шәмші Қалдаяқовтың әндерін орындады.
Байқаудың Гран-при жүлдесін «Қаракөз» әнімен көкшетаулық Ақтоты Әбдірахман жеңіп алды. Облыстық мәдениет басқармасының басшысы Айгүл Сәбитова жеңімпазды дипломмен марапаттап, электр пианинасын табыстады.
Ақтоты «Көкше» мәдениет сарайында музыкалық жетекші болып жұмыс істейді. Ақан Сері колледжінің «халық аспаптар оркестрінің жетекшісі» сыныбын бітірген. Сонымен қатар, ән айтып, музыкалық аспаптарда ойнайды, балаларға вокалдан сабақ береді.
Байқаудың финалында студент Элина Майер фортепианода сүйемелдеді.
Қазіргі уақытта «Көкше» мәдениет сарайында 24 көркемөнерпаздар үйірмесі жұмыс істейді. 300-ден астам балалар мен ересектер музыка, би және ән үйірмелеріне қатысады.
