Бүгін Ақмола облысы Төтенше жағдайлар департаменті бастығының міндетін атқарушы Қанат Доспаев баланы құтқарған Марат Зиядинді «Суға батқандарды құтқарғаны үшін» медалімен марапаттады, – дейді аталмыш департаменттің баспасөз қызметі.
Естеріңізге сала кетейік, ағымдағы жылдың 5 ақпанында Марат Зиядин Қылшақты өзенінде суға кетіп қала жаздаған баланы құтқарып, ерлік көрсеткен еді. Ол мұз астына түсіп кеткен баланы байқап қалып, дереу оған жүгіріп жетіп, мұз бетіне шығарып алған. Балаға өзінің сыртқы киімін кигізіп, үйіне дейін жеткізген.
–Мұндай әрекеттер назардан тыс қалмауы керек. Ел өз батырларын білуі тиіс. Мен қаламыздың батырын марапаттау мүмкіндігіне ие болғаныма қуаныштымын, – деп атап өтті Ақмола облысы ТЖД бастығының міндетін атқарушы Қанат Доспаев.
