Көкшетауда аяқ-асты кран құлап, салдарынан ер азамат қаза тапты . Қайғылы оқиға бүгін түсте қала орталығында салынып жатқан тұрғын үй кешенінің аумағында болды. 28 жастағы кран жүргізушісі жедел жәрдем келгенге дейін оқиға орнында қайтыс болды.
Қазір полиция мен еңбек инспекциясының мамандары төтенше жағдайдың егжей-тегжейін анықтауда.
«Бұл факт бойынша «құрылыс жұмыстарын жүргізу кезінде қауіпсіздік қағидаларын бұзу» Қазақстан Республикасы Қылмыстық кодексінің екінші бөлігінің 277-бабы бойынша сотқа дейінгі тергеу басталды. Болған оқиғаның мән-жайы анықталып жатыр»,-деді полиция департаменті баспасөз қызметінің басшысы Гүлнар Пинчук.
