Көкшетау қаласында жұмыс сапары барысында «Samruk – Kazyna Construction» АҚ Басқарма Төрағасы Маулен Айманбетов Ақмола облысы Ақмола облысының бірқатар мемлекеттік ұйымдары мен кәсіпорындарының өкілдерімен кездесті, деп хабарлайды «Aqmolanews» облыс әкімінің баспасөз қызметіне сілтеме жасап.
Жиынға аудан әкімдері, құрылыс, сәулет және қала құрылысы, білім беру, энергетика және тұрғын үй-коммуналдық шаруашылық, жолаушылар көлігі және автомобиль жолдары, цифрландыру және архивтер, мемлекеттік сәулет-құрылыс бақылауы, экономика және бюджеттік жоспарлау, қаржы, Мемлекеттік сатып алу және коммуналдық меншік басқармаларының басшылары, «Атамекен» өңірлік ұлттық кәсіпкерлер палатасының директоры, мердігерлік мекемелердің өкілдері қатысты.
Кеңес шеңберінде мектептерді жобалау және салу үшін жер телімдерін ресімдеу, сәулет-жоспарлау тапсырмалары мен техникалық шарттарды беру, магистральдық жеткізу желілерін, инженерлік желілерді жобалау және салу және мектептерді интернетпен қамтамасыз ету мәселелері қаралды.
Оқушылар үшін қауіпсіз орта құру қажеттілігіне, мектептерге қадамдық қолжетімділікті және жолды жарықтандыруды қамтамасыз ету, сондай-ақ ішкі және сыртқы бейнебақылаумен жабдықтау қажеттілігіне ерекше назар аударылды.
Сонымен қатар, Басқарма Төрағасы бизнес-қоғамдастығының құрылыс компанияларына қойылатын талаптар, ұлттық жобаны іске асыруға отандық жергілікті құрылыс материалдары мен жабдықтарын өндірушілердің қатысуы жөніндегі сұрақтарына жауап берді, сондай-ақ «дайын күйде тапсыру» кешенді жұмыстарды сатып алуды жүзеге асыру жөніндегі нұсқаулықтың мазмұны бойынша түсініктемелер берді.
Жалпы, «Жайлы мектеп» пилоттық ұлттық жобасы аясында Ақмола облысында 20 мектеп салу жоспарлануда, оның 13-і ауылдық жерлерде. «Samruk-Kazyna Construction» АҚ ұлттық жобаның нысаналы құрылысы жөніндегі Дирекция бола отырып, 2023 жылы 10 мектептердің, ал 2024 жылы тағы 10 мектептердің құрылысын бастайды.
