Бұланды ауданында білім саласына сүбелі үлес қосқан, оқушылары халықаралық, республикалық, обылстық деңгейдегі байқауларда жүлделі орын алған ұстаздарға құрмет көрсетуге арналған салтанатты жиын өтті,-деп хабарлайды «Aqmola news»ақпарат агенттігі.
Бүгінгі таңда білім беру жүйесінің мақсаты – барлық деңгейлердегі білім мазмұнын жаңартуға және тұрақты даму кезеңіне өтуге бағытталған.
Сондай-ақ, әлемдік бәсекелестікке қабілетті жас ұрпақ қалыптастыру және сапалы білімнің қолжетімді болуын қамтамасыз ету болып табылады.
Осы білім саласындағы мемлекеттік жоспар мақсаттарды іске асыру қазіргі ұстаздардың басты міндеті. Жастарымыздың білімді, әрі өз елінің шынайы патриоттары болып ержетуі жолында тер төгу бүгінгі ұстаздар қауымы үшін зор міндет.
Жиын барысында, аудан әкімі Талғат Ерсейітов ұлағатты ұстаздар қауымын жаңа оқу жылының басталуымен құттықтап, еңбектері айырықша бірқатар білім қызметкерлерін ҚР Білім және ғылым министрінің, Ақмола облысы әкімінің, облыстық білім басқармасы басшысының және өз атынан алғыс хаттарын табыс етті.
