Өрт 25 тамыз күні 15.48 шамасында Зеренді ауданының Айдабол ауылынан небары 6 шақырымда ұлттық парктің Грибновский орман шаруашылығының орманды аймағында 7 гектар алқапта тұтанған.

«Тілсіз жау кешкі 18.50-де ауыздықталғанымен толықтан сөндірілген жоқ. Қазір өрт толықтай бақылауға алынған. Өрттің шығу себептері анықталып жатыр», – дейді ведомствоның баспасөз қызметінен.

Өртті сөндіруге төтенше жағдайлар департаментінің 51 қызметкері мен 5 техникасы, «Көкшетау» МҰТП-ның 3 техникасы мен 23 қызметкері, сондай-ақ Айдабол спирт зауытының, «Викторовское» ЖШС-нің және жергілікті атқарушы органдарының қызметкерлері мен техникалары жұмылдырылған.