Есілдің жағасынан ер адамның киімдері табылды. Суға кеткен адамның нақты кім екені әзірге табылмай жатыр, деп хабарлайды «Aqmola News».
Суыт оқиғадан кейін Целиноград ауданының құтқарушылары халыққа үндеу жариялады
Жеңіл киім -кешек Ақмола облысының Целиноград ауданының Арайлы ауылының маңынан 13 шілде күні табылыпты.
«Киімдердің кімге тиесілі екенін ешкім білмейді. Сол күні осы су айдынында адамдардың болғаны туралы білетін куәгерлер де жоқ. Кеше кешкісін сағат 18.00-ден 22.00-ге дейін сүңгуірлер суда іздеу жұмыстарын жүргізіп, сондай-ақ аумақты жаяу аралап шықты. Алайда іздеу нәтижесін бермеді»,- дейді Ақмолаоблысы төтенше жағдайлар департаментінің баспасөз қызметінен.
Құтқарушылар болған жағдайға орай халыққа үндеу жариялады.
«Егер де біреу сырт киім заттарын білсе немесе біреуге демалу үшін таңдалған жер туралы хабардар болса не болмаса біреу осы біз көрсеткен жерде шомылатын, балық аулайтын адамдарды байқаған болса, 101, 102 немесе 112 тегін телефондарына хабарласуларыңызды сұраймыз, кері байланысқа үміттенеміз»,- делінген Ақмола облысы төтенше жағдайлар департаментінің үндеуінде.
