Ақмолалық оқушылар «Бастау» республикалық математикалық олимпиадасының жүлдегерлері атанды,-деп хабарлайды «Aqmola News» ақпарат агенттігі.
Бастауыш сынып оқушылары арасында республикалық «Бастау» XIV математикалық турнирі өтті. 2021 жылы 15-19 маусым аралығында онлайн режимдегі турнир физика-математика мектебінің базасында ұйымдастырылды.
Оның мақсаты дарынды балаларды анықтауға, дамытуға және қолдауға, оқушылардың математикадан білімдерін тереңдетуге және кеңейтуге бағытталды. Аймақ намысын 3 оқушыдан тұратын екі команда қорғады.
Бірінші команданың құрамында – Көкшетау қаласы, әл-Фараби атындағы ІТ лицейінің оқушылары Серік Амина, Әмірхан Нұрай және Рахадин Әділжан болды.
Екінші командада Көкшетау қаласы, №17 орта мектеп-гимназиясының оқушылары Белоусов Максим, Тіржан Жалғас және Бочкарев Эммануил бақ сынасты.
Турнир қорытындысы бойынша жеке сынақ турынан ІІІ дәрежелі дипломмен Белоусов Максим марапатталды.
Сонымен қатар грамотамен 4 оқушы марапатталды. Олар Әмірхан Нұрай – Көкшетау қаласы, әл-Фараби атындағы ІТ лицейінің 3 сынып оқушысы; Рахадин Әділжан – Көкшетау қаласы, әл-Фараби атындағы ІТ лицейінің 4 сынып оқушысы; Тіржан Жалғас – Көкшетау қаласы №17 орта мектеп-гимназиясының 3 сынып оқушысы; Бочкарев Эммануил – Көкшетау қаласы №17 орта мектеп-гимназиясының 4 сынып оқушысы.
Командалық есепте Көкшетау қаласы әл-Фараби атындағы ІТ лицейінің оқушылары 3 орынға ие болды.
Айта кетейік, олимпиадаға Қазақстанның барлық облыстарынан, Нұр-Сұлтан, Алматы және Шымкент қалаларынан және «Назарбаев Зияткерлік мектептерінен», республикалық физика-математикалық мектептерінен, сондай-ақ жеке білім ұйымдарының республикалық қауымдастық мектептерінен 2-4-сынып оқушылары арасында 144 қатысушы бәсекеге түсіп, 48 команда бақтарын сынады.
