Бурабай ауданында қоғамдық көліктердің жол ақысы қымбаттамайды. Жергілікті пабликтердің біріне шыққан 2021 жылдың 4 маусымынан бастап Шучинск қаласындағы қоғамдық көліктердегі жол ақысының қымбаттауына қатысты ақпарат жалған. Бұл туралы Бурабай ауданының әкімдігі мәлімдеді,-деп хабарлайды «Aqmola News».
Бурабай ауданының әкімдігіне ағымдағы жылдың 29 сәуірінде аудандық мәслихатының депутаттары кезектен тыс сессияда Щучинск қаласының Жолаушылар тасымалы қауымдастығынан ұсыныстар келіп түсті. Онда тарифті 150 теңгеге дейін көтеру мәселесі айтылған. Депутаттардың көпшілігінің шешімімен, жергілікті халықтың пікірін ескере отырып, қоғамдық көлікте жол жүрудің жаңа тарифі бекітілді.Қаралған ұсыныстардың негізінде жол ақысы ересектер үшін-110 теңге, 15 жасқа дейінгі балалар үшін-50 теңгені құрады,-делінген хабарламада.
Бүгінде Бурабай ауданы мәслихатының шешімі әділет органдарында тіркеу сатысында тұр, БАҚ-та ресми жарияланғаннан кейін күшіне енеді.
Аудан әкімдігі тұрғындарды ресми жарияланған ақпаратқа және аймақ басшысы @aset_muzdybaev ресми парақшасында шыққан мәліметтерге сенуді сұрайды.
