Ағымдағы жылдың 25 мамырында Шортанды ауданының полиция бөлімінің кезекші бөліміне Новоселовка ауылының 59 жастағы тұрғыны жүгінді. Әйел 2018 жылғы желтоқсаннан бастап 25 мамырға дейін аралықта белгісіз біреулер оның «Қазпочта» АҚ-дағы шотынан 993 мың 500 теңге көлемінде ақша қаражатын алғанын хабарлады.
Жедел-іздестіру іс-шаралары барысында полиция қызметкерлері осы ауылдың 32 жастағы тұрғынын, акционерлік қоғам қызметкерін анықтады.
Қаскүнем бұл әрекетін мойындады.
Қазіргі уақытта аталған факті бойынша ҚР ҚК 189-бабының 2-бөлігі «сеніп тапсырылған мүлікті иемдену немесе ысырап ету» бойынша сотқа дейінгі іс қозғалды. Тергеу жалғасуда.
