Қопа көлінде көктемгі су тасқынының алдын алып, ағын суды кедергісіз өткізу мақсатында мұз жарылыстары өткізілмек, деп хабарлайды «Aqmola News».
Бұл туралы Ақмола облысы төтенше жағдайлар департаментінің баспасөз қызметі мәлім етті.
«Құрметті Көкшетау қаласының тұрғындары! Жүргізіліп жатқан су тасқынына қарсы ісшаралар шеңберінде бүгін Қопа көлінің Қылшақты өзені тұсынан жаяулар өтетін көпірдің маңында Қылшақты өзенінде Застанционный кенті көпірінің жанынан ағын судың өтуіне кедергі келтіретін мұз құрсауын жою мақсатында жарылыс жұмыстары өткізіледі. Барлық балықшылардың дереу арада Қопа көлінің аумағынан кетуі қажет. Қала тұрғындарының тыныштық сақтауын сұраймыз. Мазазындануға еш себеп жоқ. Сондай-ақ, жалған ақпарат тарату үшін қылмыстық кодекстің 274 бабына сәйкес қылмыстық жауапкершілік қарастырылғанын еске саламыз», – деді Ақмола облысы төтенше жағдайлар департаментінен.
Жарылыс жұмыстары бүгін күндізгі сағат 16:30 шамасында ұйымдастырылмақ.
