Көкшетауда өрт қауіпсіздігі техникасының сақталмауынан екі төтенше жағдай орын алды, деп хабарлайды «Aqmola News «облыстық төтенше жағдайлар департаментінің баспасөз қызметіне сілтеме жасап.
Көкшетауда 7 қазанда өнеркәсіп аймағында көмірмен жағылатын қазандық жарылды. Салдарынан 65 жастағы жұмысшы 1-ші дәрежелі күйік алып, ауруханаға түсті. Соңғы мәлімет бойынша, пеш жағуда қауіпсіздік ережесі сақталмаған» деді ведомстводан.
Сонымен қатар, облыс орталығындағы көпқабатты тұрғын үйдегі пәтерде газ баллоны жарыла жаздады.
Үйдің қожайыны газ баллонын қоюда техникалық қауіпсіздік ережесін сақтамаған. Ер адам баллонды далаға алып шығып, құтқарушыларды шақырған. Олар дер кезінде жетіп, ыстық баллонның жарылуын болдырмай, көбік шашып үлгерген,-дейді ТЖД баспасөз қызметінен.
