Ерейментау ауданы Бестоғай негізгі мектебінің оқушылары енді жаңа автобуспен аудан орталығына қатынайтын болды,-деп хабарлайды «Aqmola News».
Сонымен қатар Қызылту, Байсары ауылдарында тұратын оқушылар да осы автобуспен қатынамақ. Міне, осылай, шағын ауылдардан аудан орталығына оқушыларды тасымалдау мәселесі оң шешімін тапты.
Аталған шағын ауылдарда барлығы 23 оқушы бар. Әкімдік тарапынан берілген автобусқа ауыл тұрғындары мен оқушылар шашу шашты.
Көптен бері ауылда автобус мәселесі шешілмей жүр еді. Ел де қуанып жатыр. Білім күні осы мектепке, елге бір сый тартылып отыр.Мерекеміз құтты болсын! Елдімекендерде осындай қуанышты күндер бола берсін!,-дейді Ерейментау ауданының әкімі Абай Әлжанов.
Ауыл тұрғындарын қуантқан автобусқа облыстық бюджеттен 13 миллион теңгеге жуық қаржы бөлінген.
