Степногорск қаласында қоғамдық демалыс орындары мен су қоймаларында тазалық сақтау және пайдалану ережелерін орындау жөнінде акция ұйымдастырылды. Шара барысында ереже сақтамаған 15 адам әкімшілік жауапкершілікке тартылған, – деп хабарлайды «Aqmola News».
Майра ҚУАНЫШҚЫЗЫ
Бұл туралы Степногорск қаласы әкімдігі мәлім етті.
Акция 14-19 шілде аралығында өткізілмек. Шара барысында қалалық полиция басқармалары мен төтенше жағдай қызметкерлері еріктілермен бірлесіп тас карьералары мен Ақсу өзені бойында қауіпсіздік ережелерін сақтау бойынша рейд ұйымдастырылды.
Шара барысында су пайдалану ережелерін бұзғаны және қоғамдық орындарда мас күйде жүргендері үшін әкімшілік құқық бұзушылық кодексінің 364 және 440 баптарына сәйкес 15 адам әкімшілік жауапкершіліке тартылған.
