Серік Базарбекұлы Ысқақов 2020 жылдың 23 маусымынан «Тарихи-мәдени мұраны қорғау және пайдалану орталығы» мемлекеттік коммуналдық мекемесінің директоры қызметіне тағайындалды, – деп хабарлайды «Aqmola News».
Бұл туралы облыстық мәдениет, архивтер және құжаттамалар басқармасынан мәлім етті.
Искаков Серік Базарбекұлы 1988 жылы 6 шілдеде Ақмола облысы, Зеренді ауданы, Симферополь ауылында дүниеге келген. Ұлты қазақ, 2 жоғары білімі бар, Қазақстан Республикасының азаматы.
Еңбек жолын Серік Базарбекұлы 2011 жылы Ақмола облысы мәдениет, архивтер мен құжаттамалар басқармасының «Тарихи-мәдени мұраны қорғау және пайдалану орталығы»МКМ-де ескерткіштерді қорғау, археология, сәулет және қала құрылысы маманы болып бастады. 2014 жылдан бастап 2017 жылға дейін – бөлім меңгерушісі, 2018 жылдың ақпанынан бастап – жоғарыда аталған мекеменің бас инспекторы. 2020 жылдың 6 сәуірінен бастап Ақмола облысы мәдениет, архивтер мен құжаттамалар басқармасының «Тарихи-мәдени мұраны қорғау және пайдалану орталығы» МКМ директорының міндетін атқарды.
Ақмола облысы мәдениет, архивтер және құжаттамалар басқармасының Бұйрығы негізінде Искаков Серік Базарбекұлы 2020 жылдың 23 маусымынан «Тарихи-мәдени мұраны қорғау және пайдалану орталығы» МКМ-нің директоры қызметіне тағайындалды,
