Ақмола облысы Сандықтау ауданының әкімдігі жаңа форматта өз жұмысын бастады,-деп хабарлайды «Aqmola News».
– Әкімдік жұмысының сервистік форматы жергілікті атқарушы органдар қызметінің қолжетімділігі мен ашықтығын қамтамасыз етеді. Сонымен қатар әр түрлі мәселелер бойынша бір жерде мемлекеттік қызметтер топтастырылады. азаматтар кедергісіз қабылданып, оларға жедел кеңес беріледі,-дейді аудан әкімі Асқарбек Үйсімбаев.
Мемлекет басшысы «кабинеттік» жүйеден «open space» форматына көшу – мемлекеттік қызметшілердің ашықтығы мен қолжетімділігінің көрнекті көрсеткіші болып табылатынын атап айтты.
Өткен жылдан бері елдегі 1438 мемлекеттік мекеме «оpen space» форматына, 228-і сервистік жұмыс үлгісіне көшкен.
Халықтың мемлекеттік аппаратқа деген сенімін арттыру, сондай-ақ «Халық үніне құлақ асатын мемлекет» тұжырымдамасын іске асыру мақсатында біз басқа мемлекеттік органдармен бірлесіп Ақмола өңірінде ашық жұмыс кеңістігін ұйымдастыру бойынша жұмысты жалғастырудамыз. Бүгінгі таңда облыста 38 «Front office», 17 «Open Space», 11 «Сервистік әкімдік» жұмыс істейді, – деді Бақытжан Әмірханов.
