«Ақмола облысының саяси репрессия құрбандары» атты естелік кітабы жарық көрді,-деп хабарлайды «Aqmola News».
Аталмыш жинақ » Рухани жаңғыру» бағдарламасы аясында, саяси құғын – сүргін құрбандарын еске алу күніне орай жарыққа шықты.
Жинақ ғылыми-танымдық үлгіде архивтерден жинақталған құнды 75 құжат енгізілген 4 бөлімнен тұрады.
Кітапта комитеттің құрамында болып, саяси оқиғаларға белсене араласқан ақмолалық интелегенцияның тағдырынан сыр шертетін оқиғалар баяндалады.
Бірінші бөлімде революция жылдарындағы уездік революциялық комитеттер қорлары мен атқарушы кеңес депутаттарына, тыл жұмысшыларына қатысты саяси құжаттар топтастырылған.
Екінші бөлімде поляк, неміс, қарашай, балгар, шешен, қырым татарларынан ұлттық белгілеріне қарай репрессияға ұшырағандар туралы айтылады. Бұл ұлттардың белсенділері Отанын сатқан деп есептеліп, жер аударылған.
Үшінші бөлімде «Сталиндік репрессия» туралы архив құжаттары жарияланса, төртінші бөлімге қуғын-сүргінге ұшырағандардан қалған естеліктер, жеке хаттар, күнделіктер мен фотосуреттер топтастырылды.
