Коронавирус инфекциясына байланысты жарияланған төтенше жағдайға орай Мемлекет басшысы Қасым-Жомарт Тоқаевтың Жарлығымен әскер қатарына қосымша күш ретінде арнайы жиынға аттанған ақмолалық запастағы әскери адамдар елге оралды, – деп хабарлайды «Aqmola news» Көкшетау қалалық әкімдігінің баспасөз қызметіне сілтеме жасап.
Перроннан түскен 200-ден астам адам бірден карантиндік стационарларға жіберілген.
Олардан қан талдауы алынатын болады. Теріс нәтиже шыққан жағдайда запастағы әскерилер үй карантиніне жіберіледі.
Естеріңізге сала кетсек, осыдан бір ай бұрын ақмолалық запастағы әскерлер де коронавирус инфекциясымен күреске арнайы жиынға аттанған.
