Достар, сүйінші жаңалық! Әлемдегі жетекші баспа Lonely Planet Қазақстанды жыл сайынғы Best in Travel 2025 рейтингінде саяхаттауға арналған ең үздік елдердің бірі деп жариялады.
Lonely Planet сарапшылары саяхатшылардың, қызметкерлердің, авторлардың және туризм саласындағы басқа да кәсіби мамандардың ұсыныстарын саралап, үздік туристік бағыттарды іріктейді.
🇰🇿 2025 жылғы таңдау біздің елімізге түсті. Қазақстан өзінің бай тарихымен, әртүрлі ландшафттарымен және бірегей мәдени мұрасымен ерекшеленеді.
Әлемге танымал саяхат басылымдары еліміздің туристік әлеуетін жоғары бағалайды. Бұған дейін «Conde Nast Traveler» және «Wanderlust» Қазақстанды 2024 жылы саяхаттауға арналған үздік әлемдік бағыттардың қатарына қосты. Ал Алматы қаласы The New York Times нұсқасы бойынша әлемнің үздік 52 туристік бағытына кірді.
