Облыстың туристік кластеріне 600-ден астам кәсіпорын кіреді, онда 22 мыңнан астам ақмолалық жұмыспен қамтылған.
«Президент өңірлік туризмді дамыту үшін серпінді жобаларды іске асыру қажеттігін атап өтті. Қазіргі уақытта тиісті жұмыс қолға алынды. Облыста жалпы құны 23 миллиард теңгені құрайтын 65 инвестициялық туристік жоба сәтті жүзеге асырылуда. 10 айдың қорытындысы бойынша негізгі капиталға салынған инвестициялар көлемі 2 есеге артып, 23,3 млрд теңгені құрады. 2024 жылға инвестиция көлемі 25 миллиард теңгеден асатын 30 жаңа жоба жоспарланған», – деді Ақмола облысының әкімі Марат Ахметжанов ОКҚ алаңында өткен баспасөз конференциясында.
