Ақмола облысының прокуратурасында Ашық есік күні өткізілді

Кәсіби мереке – Прокуратура күні қарсаңында Ақмола облыстық
прокуратурасында Ш.Уәлиханов және А. Мырзахметов атындағы
университеттердің соңғы курс студенттері үшін Ашық есік күні өткізілді.
Студенттерді облыс прокуратурасының мұражайымен таныстырып,
оларға көрнекті прокурорлар, прокуратура органдарының қалыптасуы мен
дамуы туралы айтылды.
Болашақ заңгерлермен кездесуді прокуратура органдарының
басшылығы мен ардагерлері өткізді.
Ақмола облысы прокуратурасының ардагерлер кеңесінің төрағасы Б. К.
Сұлтанов еңбек жолындағы қызықты сәттерімен және қызмет еткен кездегі
жұмыс естеліктерімен бөлісті.
Сондай-ақ студенттерге прокуратура органдарына қызметке түсу
тәртібі түсіндіріліп, бейнеролик көрсетіліп, ақпараттық брошюралар
табысталды.
Бас прокуратураның жанындағы Құқық қорғау органдары
академиясының алғашқы түлегі Ф.Б.Дайыр өзінің жеке тәжірибесімен
бөлісіп, байқаудың ерекшеліктері, Академияда оқу және еңбек қызметі
туралы айтты.
Болашақ заңгерлер барлық сұрақтарға нақты және толық жауаптар
алды.
Ақмола облысының прокуратурасы