Қазақстанның энергетика министрі Алмасадам Сәтқалиев жұма күні Астана тұрғындары алдында есеп беру кездесуін өткізді, оның барысында ЖЭО-3 бірінші кезегінің кезең-кезеңімен іске қосылуы, газға қосылу рәсімдерін жеңілдету туралы айтып берді және халықты толғандыратын сұрақтарға жауап берді.
Елордада орталықтандырылған жылумен жабдықтау аймағында жылу энергиясын «Астана-Энергия» АҚ ЖЭО-1, ЖЭО-2 және 6 аудандық қазандықтары береді.
Сонымен қатар жылыту маусымының басталуымен ЖЭО-3 бірінші кезегін кезең-кезеңімен іске қосу жүзеге асырылады.
Энергетика министрлігінің басшысы бүгінгі күні қуаты 110 Гкал/сағ болатын бірінші су жылыту қазандық агрегаты іске қосылғанын хабарлады. 28 қазанда қуаты ұқсас екінші қазандық агрегатын іске қосу жоспарланып отыр. Қалған екі қазандық агрегаты ағымдағы жылдың қараша және желтоқсан айларында іске қосылады. Барлығы, желтоқсан айында 440 Гкал/сағ енгізу қамтамасыз етіледі.
Сондай-ақ қаланың даму перспективаларын ескере отырып, болашақта электр бөлігін енгізуді көздейтін ЖЭО-3 екінші кезегін іске асыру жоспарланып отыр.
Сонымен бірге жыл соңына дейін қуаты 350 Гкал/сағ және 345 Гкал/сағ болатын «оңтүстік-шығыс» және «Тұран» газ қазандықтары іске қосылады.
Қаланы газдандыру туралы айта келе, министр бұл үдеріс 2019 жылы «Сарыарқа» магистральдық газ құбыры құрылысының аяқталуымен басталғанын еске салды.
Жалпы, елорданы газбен жабдықтау 3 кезекке бөлінген.
1-кезек 2021 жылы аяқталды және 181 мың тұрғыны бар Көктал-1, Көктал-2, Агроқалашық, Теміржол, Өнеркәсіптік, Оңтүстік-Шығыс тұрғын алаптарын, сондай-ақ қаланың жылу электр орталықтары-ЖЭО-1 және ЖЭО-2 газбен қамтамасыз етуге мүмкіндік берді.
Қазіргі уақытта 9 іске қосу кешенінен тұратын 2-кезек аяқталу сатысында. 2021 жылы 10 мың тұрғыны бар Күйгенжар, Мичурино, Интернациональный тұрғын алаптарын газдандыруды көздейтін 1 және 2 іске қосу кешендері аяқталды. 3-9 іске қосу кешені шеңберінде «Оңтүстік-Шығыс», «Тұран», «Тельман» аудандық қазандықтарына және «Ильинка», «Тельман», «Пригородный», «Family Village», «Өндіріс», «Қараөткел» т/а газ құбырлары тартылды. Құрылыс-монтаждау жұмыстары толық аяқталды, іске қосу-жөндеу жұмыстары жүргізілуде. Сонымен қатар әкімдік осы тұрғын үй алаптарында газ тарату желілерінің жобаларын салу және әзірлеу бойынша жұмыс жүргізіп жатыр.
Газдың қосымша көлемімен қамтамасыз ету үшін қуаты сағатына 350 мың м3 газ тарату станциясын салуды көздейтін газдандырудың 3-кезегі қажеттілігіне қарай іске асырылатын болады.
Министр газға қосылу рәсімін жеңілдету мақсатында Министрлік Астана қаласының әкімдігімен және «ҚазТрансГаз Аймақ» АҚ-мен бірлесіп, құжаттар санын азайту бойынша қажетті шаралар қабылдап жатқаны туралы хабардар етті.
Атап айтқанда, 7-ден 4-ке дейінгі техникалық шарттарды алуға; 9-дан 6-ға дейінгі газға қосуға құжаттар саны азайды. А.ж. қазан айының басында egov.kz арқылы техникалық шарттарды алу мүмкіндігі пайда болды.
Сонымен қатар А. Сәтқалиев тұрғындарға ЖЖМ, сұйытылған мұнай газын қамтамасыз ету бойынша қабылданып жатқан шаралар туралы есеп беріп, сұрақтарына жауап берді.
