IT-мамандарды даярлау үшін бағдарламалау мектептеріне 600 мың теңгеге дейін гранттар беріледі. Биыл еліміз бойынша 3000 грант бөлініпті.
«2023 жылдың қыркүйегінде Ақмола облыстық цифрландыру және мұрағаттар басқармасының
» Smart Aqmola » мемлекеттік мекемесі базасында өңірлік ІT Hub ашылды. Aqmola IT Hub жанынан бүгінде екі жеке IT-мектебі жұмыс істейді. Атап айтар болсақ, «Kokshelab» және «Ozen.Vision» мектептері білім беруде. «Tech Orda» бағдарламасы бойынша Python бағдарламалауды 18 бен 45 жас аралығындағы 40 адам офлайн режимінде меңгеріп, білім алуда», – деп атап өтті Ақмола облысы цифрландыру және мұрағаттар басқармасының басшысы Бауыржан Рапиков.
