Сыбайлас жемқорлыққа қарсы қызмет департаментіне жергілікті атқарушы органдарға шағыммен бөлшек сауда саласындағы жеке кәсіпкер жүгінді.
Азық-түлік дүкенінің иесі аукционда сатып алынған жер учаскесін жалға алу мерзімін ұзарту туралы мәселесімен Көкшетау қаласының әкімдігіне бірнеше рет жүгінген болатын.
Алайда шенеуніктер жерді уақытша пайдалану мерзімін ұзарту кезінде жалға алушының шарттары мен іс-қимыл тәртібін тиісті түрде түсіндірмей, немқұрайлы жауап берген. Жалға беруді уақтылы ұзартпау бизнесті дұрыс жүргізуге кедергі болуы мүмкін.
Департамент қала әкімдігі басшылығының қатысуымен кездесу өткізіп, қорытындысы бойынша ЖАО ЖК-ның бұрын жолдаған барлық өтініштеріне тиісті түсініктемелер берді.
Нәтижесінде, ағымдағы жылдың қыркүйек айында қалалық әкімдіктің қаулысымен жер учаскесіне уақытша жер пайдалану туралы шарт бес жылға ұзартылды.
