Көкшетауда талдау режимінде » Сергек» зияткерлік қоғамдық және жол қауіпсіздігі жүйесінің екі аппараттық-бағдарламалық кешені орнатылды

Бұл туралы Ақмола облысында өткен цифрландыру мәселелері жөніндегі кеңес барысында белгілі болды.
«Sergek Group» компаниялар тобының негізін қалаушылардың бірі- Әсет Ахметовтің айтуынша, айти мамандары үшін мұндай іс-шараларға қатысу зор мүмкіндік. Аталмыш жиындар олар үшін облыстың сала қажеттіліктері мен мүмкіндіктерін саралап, бағамдауға, түйіткіл тұстарын оң шешіммен шешуге, өздеріне сәйкес келетінін анықтап, түсінуге мүмкіндік береді. » Қазақстандық мамандар ретінде біз өз шешімдерімізді жергілікті атқарушы және құқық қорғау органдарының іс жүзіндегі ақпаратына сүйене отырып әзірлейміз. Біз Ақмола облысына қауіпсіздік, көлік және экология сияқты бағыттарда цифрлық шешімдерді ұсынып отырмыз. Біз SmartCity құру саласындағы жетекші қазақстандық IT компаниямыз. Ынтымақтастық ниетінің белгісі ретінде біз Көкшетау қаласында пилоттық режимде «Сергек» зияткерлік жүйесінің екі аппараттық-бағдарламалық кешенін орнаттық. Қазіргі уақытта олар аналитикалық режимде жұмыс істеп тұр. Кешендер ЖҚЕ бұзушылықтарын тіркеу режимінде жұмыс істеген кезде, бұл туралы уәкілетті орган хабарлайтын болады», – деп бөлісті Ә.Ахметов.