Қазақстан Республикасы Оқу-ағарту министрлігі Республикалық қосымша білім беру оқу-әдістемелік орталығы «Ризашылық – мейірімділік бұлағы» жалпыұлттық мәдени-білім беру жобасы аясында ерекше білім беруді қажет ететін балалар арасында «Шексіз шығармашылық» республикалық қашықтық байқауын өткізді.
Байқаудың мақсаты: ерекше білім беруді қажет ететін балалардың бейнелеу қызметіндегі, сәндік-қолданбалы өнердегі шығармашылық әлеуетін анықтау және ынталандыру, сондай-ақ шығармашылық қызметтерін ынталандыру және қолдау арқылы оларды әлеуметтік оңалту.
Ақмола облысынан шығармашылық байқауға Ақмола облысының 13 ауданнан, 3 қаладан, №19 ЖОББМ жалпы 255 оқушы қатысып, оның 54 жүлделі орындарға ие болды.
«Шексіз Шығармашылық» республикалық байқауы келесі 3 номинацияда өткізілді:
«Казақстан – менің алтын бесігім» суреттер байқауы;
«Алтын қолдар» сәндік-қолданбалы өнер;
«Шексіз әлем балалар көзімен» жеке шығармашылық өлеңдер байқауы.
Байқаудың қорытындысы, жеңімпаздардың дипломдары, олардың жетекшілеріне алғыс хаттар, қатысушылардың сертификаттары www.ziyatker.org сайтында орналастырылды.
Барлық қатысушыларды құттықтаймыз!
