Бүгін, 2023 жылдың 16 ақпанында Көкшетау қаласында, Солтүстік индустриялық аймақта «Qazaqoil» аумағында, тиеу-түсіру стансасындағы 2 жанармай таситын цистерналардан өрт шықты.
Ақмолалық өрт сөндірушілер 20 минут ішінде тілсіз жаудың бетін қайтарды. Өрт аумағы 35 шаршы метрді құраған. Салдарынан жанармай құю бекетінің операторы, 1988 жылы туған ер адам қаза тапты. Өрттің шығу себебі әлі анықталу үстінде.
Ақмола облысының Төтенше жағдайлар департаменті облыс тұрғындарына өрт қауіпсіздігі ережелерін сақтау қажеттігін ескертеді, бұл туралы департаменттің ресми сайтынан немесе әлеуметтік парақшаларынан білуге болады.
