Ауыл шаруашылығы министрлігі нан бағасын тұрақтандыру бойынша жұмыстарды жалғастырады. Биыл осы мақсатта 13 миллиард теңге қаржы жұмсалмақ. Бұл туралы бүгінгі Үкімет отырысында министр Ербол Қарашөкеев мәлім етті.
«Бұл шара өңірлердегі ұн өндіретін кәсіпорындарды 90 мың теңгені құрайтын тұрақты бағадағы астықпен қамтамасыз етуге, сәйкесінше нанды ағымдағы қолжетімді бағамен сатуға мүмкіндік береді» – деді Қарашөкеев.
Әкімдіктер ұсынған мәлімет бойынша, арзандатылған бидайдың жылдық қажеттілігі 308 мың тоннаны құрайды. Әр тоннаға берілетін субсидия көлемі – 45 мың теңге.
Фото: mk-kz.kz
