Целиноград, Атбасар, Бурабай, Бұланды аудандарында, Көкшетау және Степногорск қалаларында тұрмыстық зорлық-зомбылықтан зардап шеккендерге арналған 6 баспана-орталық бар. Сондай-ақ Ақкөл, Қорғалжын, Жарқайың аудандарында кеңес беру пункттері жұмыс істеп келеді.
Өткен жыл ағымында олардың мамандары тұрмыстық зорлық-зомбылықтан зардап шеккен 271 адамға көмек көрсетті. Олардың ішінде 81 әйел мен 190 бала бар. Бұл туралы Өңірлік коммуникациялар қызметінің ақпарат алаңында өткен брифингте Жұмыспен қамтуды және әлеуметтік бағдарламаларды үйлестіру басқармасы басшысының орынбасары Алтын Ақбарова хабарлады.
Спикер мәліметінше, мамандар өткен жылы тұрмыстық зорлық-зомбылық құрбанына айналған 22 адамға жұмысқа орналасуға көмектесті.
Фото: baq.kz
