20 қараша, жексенбі күні Қазақстанда кезектен тыс президент сайлауы өтті. Елде 12 миллионға жуық дауыс беруші бар. Орталық сайлау комиссиясы төрағасының орынбасары Константин Петров сайлау учаскелеріндегі сайлаушылар тізімдеріне 11 919 241 азамат енгенін хабарлады. Олардың ішінде 7 539 280 адам немесе сайлаушылардың 63,25 пайызы сайлау бюллетеньдерін алған. Дауыс беруге 7 389 153 адам қатысқаны белгілі болды, оның ішінде есептен шығару куәліктері бойынша 13 677 сайлаушы дауыс берді.
Сайлаушылардың 81,31%-ы Қасым-Жомарт Кемелұлы Тоқаевқа ддауыс берді. Сайлауға Ақмола облысы, Біржан сал ауданының тұрғындары да үлкен белсенділікпен қатысты.
«Күні кеше ғана еліміз бойынша үлкен науқан өтті. Ол мемлекетіміз бен халқымыздың болашағын айқындайтын тағдыршешті оқиға – Қазақстан Республикасы Президентін кезектен тыс сайлауы. Осыған орай, «Кемедегінің жаны бір»,- дегендей, бұл сайлауға Ел ертеңіне бей-жай қарамайтын, жұмылған бір жұдырықтай Біржан сал ауданының тұрғындары да қатысып, өздерінің азаматтық белседіліктерін танытып, жаңа Қазақстанды құру жолындағы өз үлесімізді қосамыз деген ниетпен, сайлау учасклеріне келіп, өз даустарын берді. (Жалпы: Қ.Әбден үшін – 135, Н.Әуесбаев – 147, Ж. Дайрабаев – 245, М. Қажыкен – 95, Қ. Тоқаев – 6 739,С. Тұрсынбекова – 137, барлығы үшін қарсы – 749, жарамсыз болып қалған бюллетендер саны 165)»,-деп мәлімдеді Біржан сал ауданының әкімі Есжанов Достанбек.
Сайлаудың қорытындысы бойынша тоғыз мың төрт жүз он алты сайлаушылардан конституциялық құқықтарын жүзеге асырған сегіз мың төрт жүз он екі адам немесе сексен тоғыз бүтін төрт пайызды құрады. Бір халық болып бұл саяси науқанды сәтті өткіздік деп қорытындылады аудан әкімі.
