Ақмола облысында шетелдік автокөлік аударылды. Полицейлер болған оқиғаның мән жайын анықтап жатыр

Ағымдағы жылдың 8 қарашасында Ақкөл ауданының полиция бөліміне жедел жәрдем станциясының диспетчерінен «Ақкөл-Кеңес» ауылдық жолында ЖКО болғандығы туралы хабарлама келіп түсті.
Степногорск қаласының 38 жастағы тұрғыны «Honda Eliysion» маркалы автокөліктің жүргізушісі рөлге ие бола алмай кюветке аударылғаны анықталды. ЖКО нәтижесінде орталық аудандық ауруханаға 41 және 36 жастағы Степногорск қаласының екі тұрғыны жатқызылды. Кейінірек елордалық ауруханаға көліктің үшінші жолаушысы көмек сұрап жүгінгені анықталды. Осы факті бойынша ҚР ҚК 345-бабы 2-бөлігі «көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы» бойынша сотқа дейінгі тергеу басталды. Сараптама тағайындалды