Астанада 29-30 қазан күндері өтетін кезекті ауылшаруашылық жәрмеңкесінде өнімдерін Ақмола облысының кәсіпкерлері ұсынады, деп хабарлайды «AqmolaNews» ақпараттық агенттігі елорда әкімдігінің ресми сайтына сілтеме жасап.
«Осы демалыс күндері Ақмола облысының өндірушілері мен өңдеуші кәсіпорындары елорда тұрғындары мен қонақтарына 850 тоннадан астам жоғары сапалы экологиялық таза өнім ұсынады.
Оның ішінде 200 тоннадан астам ет және ет өнімдері, 200 тонна картоп, 100 тонна сүт және сүт өнімдері, 100 тонна көкөніс, 25 тоннадан астам ұн, 13 тонна жаңа піскен балық, 8 тоннадан астам кондитер өнімдері және нан өнімдері, шамамен 1 млн дана жұмыртқа, сондай-ақ облыста өндірілетін басқа да өнімдер бар», – делінген баспасөз мәліметінде.
Жәрмеңкедегі өнімдер бағасы нарықтағыдан 10-20 пайызға төмен болады.
Өтетін орны: «Астана-Арена» стадионының жанындағы алаң, Тұран даңғылы, 48.
