Атбасар ауданында қадағалау актісі бойынша 19 мың гектар ауыл шаруашылығы жері қайтарылды, деп хабарлайды «AqmolaNews» ақпараттық агенттігі Ақмола облыстық прокуратурасының баспасөз қызметіне сілтеме жасап.
«Мемлекет басшысының тапсырмасы бойынша аудан прокуратурасы пайдаланылмайтын ауыл шаруашылығы жерлерін қайтару бойынша тұрақты негізде жұмыс жүргізуде. Мониторинг нәтижелері қадағалау актілерімен аудан әкімінің назарына тиісті шаралар қабылдау үшін жолданады. Актілердің бірі бойынша жүргізілген түсіндіру жұмыстарынан кейін ауыл тұрғындарының қажеттілігін қанағаттандыру бойынша әлеуметтік көмек көрсету мақсатында «Шортанбай –2020» ЖШС ерікті түрде «ҚазАгро» АҚ-нан бұрын сатып алынған 19 мың гектар пайдаланылмаған ауыл шаруашылығы жерін мемлекетке қайтарып берді», – деді Ақмола облысы прокуратурасы баспасөз қызметінен.
Ведомстводан атап өткендей, қайтарылған ауыл шаруашылығы жері халықтың қажеттілігі үшін қайта бөлінеді.
Айта кетсек, Ақмола облысында қараусыз жүрген малдың 3 мыңнан астам иесі жауапқа тартылды.
