Ақмола облысында мал шаруашылығымен қатар балық шаруашылығы да қарқынды дамуда. Бурабай ауданы Ақылбай ауылында бақтақ өсіруге арналған Ангар осы жылдың шілде айында пайдалануға берілді, деп хабарлайды облыс әкімінің баспасөз қызметі.
«Bishere – fish» ЖШС директоры Руслан Қуатовтың айтуынша, ашылу алдында нарықты ұзақ уақыт зерттеген.
«Қыста барып, бәрі қалай жұмыс істейтінін көрдік. Ұнады және айналысуға шешім қабылдадық. Біз өз қаражатымызды салдық. Балық экологиялық таза. Мұндай өнім аудан үшін қажет», – деді кәсіпкер.
Бүгінгі таңда сыйымдылығы 25 текше метр болатын арнайы бассейндерде Франциядан әкелінген құбылмалы бақтақтың 70 мыңға жуық шабақтары бар. Кәсіпорынның жобалық қуаты жылына 40-50 тонна балық. Алдағы жоспарлар-өнімді нарыққа шығару және өндірісті кеңейту.
Ақмола облысының әкімі Ермек Маржықпаев кәсіпорынға оң баға берді.
«Бұл бірегей өндіріс. Біздің облыста балық өндірісі бірнеше аудандарда ғана бар. Біздің нарық орасан зор, Астанаға жақынбыз. Біз бизнесті дамытуға көмектесеміз», – деді облыс басшысы.
