Бірінші сынып оқушылары үшін 2022 жылдың 7-13 ақпан аралығында қосымша 7 күн демалыс беріледі.Қазақстан мектептерінде он күннен кейін екінші тоқсан аяқталады. Қысқы демалыс 30 желтоқсанда басталады, деп хабарлайды Sputnik Қазақстан.
Мектептердегі демалыс 2021 жылдың 30 желтоқсаны мен 2022 жылдың 9 қаңтары аралығында 11 күнге жалғасады, деп хабарлады білім және ғылым министрлігінің баспасөз қызметі.
Бірінші сынып оқушылары үшін 2022 жылдың 7-13 ақпан аралығында қосымша 7 күн демалыс беріледі.
2021-2022 оқу жылындағы демалыс күндер
Білім министрлігі 2021-2022 оқу жылына арналған оқу уақытын бекітті:
- 2021-2022 оқу жылы 2021 жылдың 1 қыркүйегінде басталады;
- оқу жылының ұзақтығы бірінші сыныптарда – 33 оқу аптасы, 2-11 (12) сыныптарда – 34 оқу аптасы.
- Оқу жылы ішіндегі демалыс күндері:
- 1-11 (12) сыныптар күзде 7 күн (2021 жылдың 1-7 қарашасы),
- қыста 11 күн (2021 жылдың 30 желтоқсанынан бастап 2022 жылдың 9 қаңтарына дейін),
- көктемде 12 күн (2022 жылдың 19-30 наурызы) демалады.
