ҚР батысында, солтүстік-батысында, солтүстігінде солтүстік-батыс циклон жырасының ықпалымен жауын-шашын (жаңбыр, қар) өтеді, төмен бұрқасын күтіледі. Республиканың қалған аумағында антициклон жотасының ықпалымен жауын-шашынсыз ауа райы сақталады. Еліміздің кей жерлерінде жел күшейіп, тұман түсіп, көктайғақ болады.
Ақмола облысының солтүстік-батысында және оңтүстік-шығысында көктайғақ, түнде облыстың шығысында 15-20 м / с жел күшейеді, Солтүстік Қазақстан облысының батысында, оңтүстігінде, солтүстігінде боран, тұман, көктайғақ күтіледі.
Павлодар облысының солтүстігінде, батысында тұман, көктайғақ, түнде облыстың оңтүстігінде жел 15-20 м/с күшейеді, Қостанай облысының солтүстігінде тұман, көктайғақ күтіледі. Шығыс Қазақстан облысының батысында 15-20 м/с жылдамдықпен жел соғады. Атырау облысының батысында, күндіз басым бөлігінде көктайғақ, облыстың батысында, солтүстігінде және орталығында тұман болады.
Батыс Қазақстан облысының солтүстігінде, солтүстік-шығысында, оңтүстік-батысында, Ақтөбе облысының оңтүстігінде тұман, көктайғақ, Батыс Қазақстан облысында боран соғады. Қызылорда облысының солтүстігінде, Қарағанды облысының оңтүстігінде, солтүстігінде, Жамбыл облысының таулы және тау бөктерінде, түнде Түркістан облысының таулы аудандарында тұман күтіледі, Жамбыл облысының таулы аудандарында жел 15-20 м/с күшейеді.
