Көкшетауда НЗМ оқушылары аталмыш іс-шарада «Шаттық» ансамблі Құрманғазы, Әбдімомын Желдібаев күйлерін орындады, деп хабарлайды» Aqmola News » ақпарат агенттігі НЗМ баспасөз қызметіне сілтеме жасап.
Қазақстан Республикасының Тұңғыш Президенті күніне орай еліміздің барлық Назарбаев Зияткерлік мектептерінің оқушылары Youtube-каналында «Ұлы дала мұрагерлері» атты домбырашылардың флешмобын өткізді.
1 желтоқсан күні Көкшетау қаласында өткен іс-шарада «шаттық» домбырашылар ансамблі Әбдімомын Желдібаевтың «Тепен көк», Құрманғазының «Адай», «Балбырауын» және «Ерке сылқым» күйлерін орындады. Дәстүрге айналған домбырашылар флешмобына 25-тен астам домбырашы қатысты. «Бірнеше жыл қатарынан өткізіліп келе жатқан флешмоб, бір мезгілде республиканың барлық зияткерлік мектептерінде өтуде», – делінген ведомство хабарламасында.
Бірлескен жобаның басты мақсаты – мерекелік көңіл-күй қалыптастыру, егемен елдің еркін ұрпақтарын өнерге баулу. Сондай-ақ, өскелең ұрпаққа патриоттық тәрбие беру және қазақ халқының қасиетті домбырасын насихаттау.
