Ақмола облысында 11-12 қараша аралығында республикалық командалық-штабтық «Қыс-2021» оқу-жаттығулары өтпек, деп хабарлайды «Aqmola News» Ақмола облысы төтенше жағдайлар департаментінің баспасөз қызметіне сілтеме жасап.
Оқу жаттығулар қысқы уақытта ықтимал болатын төтенше жағдайларды жою бойынша азаматтық қорғаныс құрылымдары мен қызметтерінің даярлығын тексеру және жетілдіру мақсатында ұйымдастырылған.
«Оқу-жаттығу жұмыстарының штаб басшылығы Ерейментау ауданының орталығы Ерейментау қаласы, Уәлиханов көшесі 43 мекенжайындағы Үмбетей жырау атындағы аудандық мәдениет үйінде орналаспақ. Байланыс телефоны 8(71633) 2-19-84», – дейді ведомствоның баспасөз қызметінен.
