Ақмолалық полицейлер 16 жастағы бозбаланы пышақпен қорқытқан ер адамды қамауға алды, деп хабарлайды «Aqmola News» Ақмола облысы полиция департаментінің баспасөз қызметіне сілтеме жасап.
Ерейментау аудандық полиция бөліміне жүгінген 52 жастағы әйел 16 жастағы ұлына ересек адам пышақ тақап, қорқытқанын айтып жүгінген.
«Жедел-іздестіру шаралары барысында Ерейментау ауданы ауылдарының 60 жастағы тұғыны ұсталды. Ол осыған дейін де қылмыстық кодекстің 99 бабының 1 тармағы, 293 баптың 3 тармағы бойынша қылмыстық жауапкершілікке тартылған болып шықты. Ер адамды тінту кезінде одан пышақ табылды. Аталған факт бойынша қылмыстық кодекстің 293 бабының 3 тармағы «Бұзақылық» бойынша сотқа дейінгі тергеу амалдары басталды. Қазіргі уақытта ол қамауға алынды», – дейді полиция департаментінің баспасөз қызметінен.
