Ағымдағы жылдың 2 қазанында Көкшетау қаласында «ТӘУЕЛСІЗДІК» алаңында ауыл шаруашылығы өнімдерінің жәрмеңкесі өтеді,-деп хабарлайды «Aqmola News»ақпарат агенттігі.
Жәрмеңкеге Астрахан, Атбасар, Жарқайың, Егіндікөл, Есіл, Жақсы, Бурабай, Зеренді, Сандықтау аудандары, Көкшетау қаласы және «КОКЅҺЕ»ӘКК ҰК» АҚ ауыл шаруашылығы тауар өндірушілерінің өнімдері әкелінбек.
Жәрмеңкеде өңірдің 110-нан астам ауыл шаруашылығы тауарын өндірушілері 85,2 млн.теңге сомасына 68 тоннадан астам өнім ұсынады. Қала тұрғындары мен қонақтары жергілікті өндірушілердің 50-ден астам азық-түлік түрлерін сатып ала алады. Бағалар нарықтық бағадан 10-15% – ға төмен.
Облыс аграршылары 36,4 тонна ет және шұжық өнімдерін, 1,1 тонна жаңа балық, 170 мың дана жұмыртқа, 4,5 тонна сүт және сүт өнімдерін, 3 тонна ұн, 6,5 тонна картоп, 7 көкөніс және басқа да өнімдер әкеледі.
Ауыл шаруашылығы өнімдерінен басқа, отын, шөп және астық қалдықтары сатылады.
