Мәшһүр Жүсіп пен Лермонтов көшелерінің қиылысында өтіп бара жатқан адамдардың мазасын алып, жол жүруге ақша сұраған әйел ұсталды, деп хабарлайды Pavlodarnews.kz.
– Аталған факті бойынша ҚР ӘҚБтК-нің 449-бабы 1-бөлігіне сәйкес «қоғамдық орындарда мазаны алу» бойынша әкімшілік іс қозғалды, – деді жергілікті полиция қызметі басқармасы бастығының орынбасары Руфат Кенжин.
Әйел адамға ескерту немесе 5 АЕК (14 585 теңге) дейін айыппұл салынады.
Облыстық полиция департаменті өтіп бара жатқан адамдардан ақша сұрағаны немесе бірдеңе сатып алуды ұсынып, мазаны алғаны үшін жазалануы мүмкін екенін еске салады.
Жыл басынан бері құқық қорғау органдары қоғамдық орындарда жұрттың мазасын алған 1257 адамды жауапқа тартты.
