Коронавирустық пандемия қазақстандықтардың күнделікті өміріне түзетулер енгізуді жалғастыруда. Сақталып отырған қауіп жағдайында мәдени-бұқаралық іс-шараларды әдеттегі дәстүрлі форматтарда өткізу тоқтатылды. Қазақстан елордасының күні де ерекше болды. Ақмола облысында мемлекеттік мерекеге арналған іс-шаралардың негізгі бөлігі әлеуметтік желілер мен блог-платформалардың мүмкіндіктерін пайдалана отырып, онлайн-режимде өткізілетін болады, деп хабарлайды ішкі саясат басқармасы.
Осы іс-шаралардың ішінде «Мен Елорда Құрдасымын» атты челленджді өткізуге Ақмола облысының жастар-ресурстық орталығы бастамашы болды.
Ұйым акцияға белсенді қатысуға және оны қолдауға шақырған хабарландыруды өзінің Instagram әлеуметтік желісіндегі парақшасында жариялады.
«Челлендждің негізгі идеясы елорданың құрдастары әлеуметтік желідегі парақшасында қазақстандықтарды елорда күнімен #Менелордақұрдасымын #Яровесникстолицы #Qazaqstan30 #Aqmola30kz хэштегтерімен құттықтайды. Барлық видеоны мекеменің аккаунтына орналастырамыз», – деді облыстық жастар ресурстық орталығының жетекшісі Мәнсия Есекеева.
Айта кетейік, өңірде елорданың туған күні қарсаңында 1000-ға жуық іс-шара өткізу жоспарланған, оның ішінде әлеуметтік нысандар ашу, онлайн форматта түрлі акциялар, конкурстар, көрмелер, викториналар, челлендждер өткізу.
