Ақмола облысының әкімі Ермек Маржықпаев брифинг барысында өңірдегі денсаулық сақтау жүйесінің дамуы туралы айтып өтті. Биылғы жылы да жаңа медициналық нысандар іске қосылып, пайдаланылып келе жатқан денсаулық сақтау нысындары күрделі жөндеуден өтеді,-деп хабарлайды «Aqmola News»АА.
«Осы жылы біз Қосшы ауылындағы жаңа емхананы, Қараөткелдегі дәрігерлік амбулаторияны және Қоянды қаласындағы алғашқы медициналық-санитарлық көмек орталығын іске қосуды жоспарлап отырмыз. Күрделі жөндеу Степногорск қаласындағы, Атбасар, Бұланды және Сандықтау аудандарындағы төрт аудандық ауруханада жүргізіледі», – деді Ермек Маржықпаев.
Өткен жылы денсаулық сақтаудың төрт жаңа нысаны пайдалануға берілді. Бұл 200 орындық заманауи жұқпалы аурулар ауруханасы және Көкшетаудағы онкологиялық емхана және Целиноград, Шортанды аудандарының Софиевка және Степное ауылдарындағы дәрігерлік амбулаториялар.
Біздің дәрігерлеріміздің жанқиярлық еңбегі назардан тыс қалмайды. Осы жылдың басынан бері коронавируспен күреске жұмылдырылған үш мыңнан астам дәрігер мен медициналық қызметкерлер үш миллиард теңгеден астам төлем алды», – деп толықтырды әкім.
Маржықпаевтың айтуынша, биыл медициналық ұйымдарды қосымша жабдықтау үшін үш жүзден астам медициналық жабдық сатып алынады.
