Целиноград ауданында қайғылы жағдай орын алды. Отаутіккен ауылының 43 жастағы тұрғыны суға ағып бара жатқан қызын құтқармақшы болып өзі суға батып кетті, деп хабарлайды
Жазатайым оқиғаның маусымның 8-інде сағат 13:00-де Целиноград ауданы Отаутүскен ауылының маңында Нұра өзенінде балық аулау кезінде орын алған.
«Өзен жағасында жүргенде қызы анасынан рұқсат сұрап, суға шомылмақшы болады. Алайда, судың ағысы қызды алып кетеді. Мұны көрген анасы қызын құтқаруға ұмтылған, бірақ қатты ағын салдарынан 43 жастағы әйелдің өзі суға батып кетті», – деді облыстық төтенше жағдайлар департаменті баспасөз қызметінен.
Ал, жағадағы өсімдіктің бұтағына жармасқан он жасар қыз жанұшырып көмек сұраған.
Қызды осы ауылдың 65 жастағы тұрғыны Павел Федоренко құтқарып қалды.
«Оқиға орнында Нұр-Сұлтан қаласы ТЖД Жедел-құтқару жасағының құтқарушылары жұмыс істеді, олар кешкі сағат 19:30 шамасында әйелдің денесін тапты», – делінген мәліметте.
