Жанайдар Мусин атындағы Көкшетау жоғары қазақ педагогикалық колледжі мен Манаш Қозыбаев атындағы Солтүстік Қазақстан Университеті арасында «Логопед қолданбалы бакалавры» мамандығын ашу мақсатында меморандум жасалды,-деп хабарлайды «Aqmola News»ақпарат агенттігі.
Екі жақты келісім құжаты ынтымақтастық аясын кеңейтіп, «Колледж – Университет» сабақтастығын жалғастыру және республикада техникалық және кәсіптік, орта білімнен кейінгі білім беру құрылымын жандандыру мақсатына бағытталды.
Меморандум тараптардың бірқатар бағыттары бойынша күштерін біріктіріп, білім саласындағы ғылыми зерттеулер мен даму стратегиялары бойынша кадрлардың кәсіби біліктілігін арттыруға мүмкіндік береді.
Сонымен қатар студенттердің ғылыми-практикалық бағытта тәжірибе алмасуына, техникалық және кәсіптік, орта білімнен кейінгі білім беру жүйесі негізінде даярланатын 01130100 «Логопедия» мамандығы бойынша арнайы педагогикалық озат тәжірибелермен бөлісуіне жағдай жасайды.
