Бүгін Шортанды кентінің Ойын-сауық орталығында Алғыс айту күніне арналған салтанатты іс-шара өтті,-деп хабарлайды Aqmola News ақпарат агенттігі.
Көпұлтты ел бірлігінің символына айналған мереке биыл алтыншы рет атап өтілуде.
Салтанатты жиында құттықтау сөз сөйлеген аудан әкімі Гайдар Қасенов бұл мерекенің негізгі міндеті – жас ұрпаққа ғасырлар бойы қалыптасқан құндылықтарды сіңіру және сақтау екенін атап өтті.
Іс-шарада бірқатар шортандылықтар белсенді азаматтық ұстанымы және түрлі бағыттардағы қайырымдылық қызметі үшін аудан әкімінің алғыс хаттарымен марапатталды.
Салтанатты жиын Ойын-сауық орталығының шығармашылық ұжымдары ұйымдастырған мерекелік концертпен аяқталды.
