Оңтүстік, оңтүстік-шығыста түнде толассыз қар жауады, тек батыста ғана антициклон ықпалымен жауын-шашын жаумайды.
Кей өңірде тұман түседі, көктайғақ пен бұрқасын болады. Жел күшейеді. Оңтүстік-шығыста жел екпіні 30 м/с жетеді.
Жамбыл, Түркістан облысында тұман, көктайғақ, бұрқасын болады.
Жел қарқыны 23-28 м/с дейін күшейеді.
Жамбыл облысының оңтүстік-батысында жел 30 м/с жылдамдықпен соғады.
Алматы облысында тұман түсіп, көктайғақ болады, боран соғады. Желдің екпіні – 25 м/с.
Павлодар, Қызылорда облысында бұрқасын соғады. Жел екпіні 25 м/с жетеді. Қостанай, Қарағанды, Шығыс Қазақстан облысында тұман түседі, жаяу бұрқасын соғады. Жел қарқыны – 15-20 м/с.
Шығыс Қазақстан облысында желдің жылдамдығы 23-28 м/с болады. Ақмола, Солтүстік Қазақстан облыстарының кей жерлерінде боран соғады. Желдің күші – 15-20 м/с. Ақтөбе облысының кей жерлерінде тұман түсіп, түнде жаяу бұрқасын көтеріледі.
Маңғыстау облысында тұман түседі.
