Бурабай ауданы Кенесары ауылында орналасқан «Беке» шаруа қожалығына «Симментал» тұқымды мүйізді ірі қара жеткізілді,-деп хабарлайды «Aqmola News».
Асыл тұқымды аналық сиырлар қожалыққа Австриядан әкелінді. 40 бас ірі қара малын сатып алу «Сыбаға» мемлекеттік бағдарламасы бойынша «Степняк»КС ЖШС арқылы несие қаражаты есебінен жүзеге асырылып отыр.
Симментал сиыры – сүт, ет өндіру бағытында өсірілетін мүйізді ірі кара мал тұқымы.Түсі сарғыш жөне қызыл ала. Табиғи жайылымда бағуға аса бейімделген. Бұқасы 800-1000 келі ал, сиыры – 530-580 келі салмақ тартады.
Жылына әр сиырдан майлылығы 3.8-3,9 % 3200-3800 кг сүт сауылады
Бұл іс-шара Бурабай ауданында мал шаруашылығын дамытуға өз үлесін қосатыны сөзсіз.
Аймақта мал өсіру ауыл шаруашылығындағы басты бағыттардың бірі.
