Бүгін Шортанды ауданында пандемия кезінде белсенділік танытқан ерекше көзге түскен азаматтар ҚР Қорғаныс министрінің атынан «Төтенше жағдай кезінде міндеттерін адал атқарғаны үшін» естелік белгілерімен марапатталды,-деп хабарлайды «Aqmola News».
Аймағымызға коронавирус пандемиясы келген кезеңде үлкен жауапкершілік тек дәрігерлердің мойнына ғана жүктелмеді. Әскери міндеттілер тәулік бойы патрульдеу мен елді мекендердің шетінде қызмет етуді жүзеге асырды.
Сәуір айында ауданда аумақтық қорғаныс бригадаларының арнайы жиыны өткізілді. Қызметкерлер күн сайын емес, сағат сайын қауіп-қатермен бетпе-бет болып, карантиндік шаралардың сақталуын қадағалады,-делінген хабарламада.
